Nau mai, haere mai ki te mahi me Tainui Group Holdings me ngoo maatou Hoa Pakihi

E kaha ana taa maatou rapu i ngaa taangata whai puumanawa, ngaakau hihiko, whakaaro nui kia hono mai ki too maatou ohu mahi. Mehemea, ko koe teenaa, tirohia ngaa tuuranga mahi waatea i raro iho nei.

E noho whakahiihii ana maatou i too maatou aahei ki te whakatuu i ngaa tuuranga mahi huhua maa roto i ngaa hononga ki ngoo maatou Hoa Pakihi, tirohia ngaa tuuranga i raro iho nei.

Te Hootaka Aakonga me ngaa Tuuranga Whakawai

Kei raro te hootaka aakonga i te maru o te tari tahua puutea me te tari tiaki whenua. Ko te whaainga ia, kia whakawhiwhia he tuuranga mahi ki teetehi aakonga no Waikato-Tainui tonu, kaatahi anoo ka whakapootaengia ki tana tohu. Ka mahi tahi ai te aakonga nei me maatou moo ngaa tau e toru, aa, mehemea, ka eke panuku aana mahi, ka whanake ia i teetehi tuuranga kee i roto i te umanga. Ka poowhiringia hoki e maatou ngeetehi taangata moo runga i ngaa tuuranga whakawai kia kite ai raatou i ngaa momo mahi e mahingia ana e maatou. E whakahaerengia ana te tukanga whiriwhiri taangata e Waikato-Tainui College of Research and Development, aa, hei aa te Whiringa-aa-rangi raayou tiimata ai, ana, ka mutu aa te Huitanguru.

Ngaa tuuranga mahi waatea

Tirohia ngaa tuuranga mahi waatea, i raro i a TGH me ngoo maatou Hoa Pakihi

Te mahi ki TGH