Ngoo maatou taangata

Toona rima tekau ngaa kaimahi o Tainui Group Holdings e tiaki nei i ngaa rawa pakihi o Waikato-Tainui.

He whaanui, he kounga hoki too maatou tiima. Kei roto mai i a maatou, ko ngaa kaiwhakahaere ahuwhenua, kaiwhakahaere whakatupu rawa, kaiwhakahaere whenua / whare hoki, kaitaatari puru rawa, maatanga kaikaute, me ngaa maatanga kaitiaki paanui / tuku koorero, pou maatauranga hangarau, pou puumanawa tangata hoki. E aakina nei ngoo maatou taangata kia awhitia ngaa tikanga o Waikato-Tainui.

Te Pookai Kura

Chris Joblin

Tumu Whakarae

I tohua a Chris ki te tuunga o te Tumu Whakarae i te marama o Here-turi-kookaa, i te tau rua mano, tekau maa rima i muri i tana noho ki te tuunga moo ngaa marama e whaa hei Riiwhi Tumu Whakarae. Ko Chris teetehi o ngaa kaihautuu o Waikato Milking Systems, aa, e whai tuunga ana ia ki te poari o te waahanga hooteera, o te waahanga ika hoki i raro tonu i taua kamupene. Ka tiimata a Chris i TGH i te tuunga o te Pou Tiaki Puutea, i te marama o Hakihea, i te tau rua mano maa iwa, i ahu mai ia i teetehi tuunga peeraa i Affco Holdings Ltd me ngeetehi atu tuunga puutea matua i Peretaania. He mema hoki a Chris o ngaa roopuu, New Zealand Institute of Accountants (CA) me INFINZ (CTP).

Dean Shields

Pou Whakahaere, Whenua/whare

I tohua a Dean hei Pou Whakahaere, Whenua/whare i te marama o Kohi-taatea i te tau rua mano, tekau maa rima, i ahu mai ia i Todd Property, i noho ai ia hei Pou Whakahaere Whakawhanake me tana whai waahi atu ki ngaa kaupapa tiketike i Kapiti me Kirikiriroa, i whea noa atu. Ko ngaa tohu maatauranga e mau nei i a Dean, inaa raa, he Tohu Paetahi Rawa, he Pookairua Paetahi Pakihi, me teetehi tohu puukaha metarahi.  

Huinga Manu Taaiko

E pupurutia ana e TGH toona hootaka whakawhanake manu taaiko hei whakatakoto i ngaa tini huarahi whakahaere maa ngaa tauira nei kia pakari ake ai te tupu mau roa o te iwi ki tua i te pae tawhiti. Moo ngeetehi whakamaarama, teenaa, whakapapa mai ki a Julie Alexander, Kaiwhakahaere Puumanawa Tangata, ki julie.alexander@tgh.co.nz

Hapori/whakangaatahitanga