Ownership

Ngaa uara (Ngaa whanonga)

Ko ngaa uara e whaa nei, koia teenaa e arataki ana i ngaa maatou mahi katoa

Mahi tahi

Maa tini, maa mano, ka rapa te whai

Manaakitanga

He tiaki, he whakatupu, he whakauu i ngaa rawa a te iwi

Kaitiakitanga

He manaaki i ngaa maatou mahi, he manaaki i a maatou anoo, i ngoo maatou whanau, iwi me te hapori hoki

Pono me te tika

Ka puta te whakapono, maa te mahi kia tika, kia pono, kia aroha, kia whai whakaaro i ngaa maatou mahi katoa

Te Whakatupu Pakihi Māori

Noo te tau, kotahi mano, e iwa rau, e iwa tekau maa rima, ko Waikato-Tainui te iwi tuatahi o te motu ki te whakatau i tana kereeme me te Karauna moo ngaa raupatu whenua me ngaa kinonga i raro i te Tiriti o Waitangi, i paa ai ki te iwi o Waikato-Tainui.

Mai i taua waa, haere ake nei, he toa te iwi nei i roto i ngaa mahi whakatupu rawa aa-iwi. Inaa raa, he whakatupu i ngaa rawa a te iwi, he whakapuare i ngeetehi huarahi whai oranga maa ngaa uri, otiraa, he mahi tahi hoki me iwi kee, araa, ko ngaa iwi ngeera, kua uu tonu, kua mau roa nei hoki te hononga tahi i roto i te waahanga mana whakahaere iwi. Kua waitohua ngaa whakaaetanga-ngaatahi me Ngai Tahu Holdings Group me Te Arawa Group Holdings.   

Mana Whakahaere

Ngaa kaihautuu o teenei

Taa Henry van der Heyden

I Aotearoa nei, ko Taa Henry teetehi o ngaa tautoohito huri noa i te motu, noo te tau rua mano, tekau maa rua, ka riro i a ia te tuunga o te tiatangata. He tiatangata o mua i Fonterra dairy ngaatahitanga, aa, kei teenei waa, ko ia te tiatangata o te Taunga Waka Rererangi o Taamaki-Makaurau Ltd, heoi anoo, e whia kee ngaa tuunga kaihautuu kei a ia ki Poari kee atu.

Tukoroirangi Morgan

Noo te tau rua mano, tekau maa rima ka hono mai a Tukoroirangi ki te Poari o TGH. Ko ia hoki te maangai Kaahui Ariki ki Te Arataura, te komiti whakahaere aa-iwi o Waikato-Tainui. Kei teenei waa, ko ia te tiatangata-ngaatahi o te Whakaruruhau o te Awa o Waikato, otiraa, e whia kee ngaa tuunga mana whakahaere aa-iwi o Waikato-Tainui i piikaungia raa e ia i toona waa, aa, he mema o mua i te Paaremata.

Hemi Rau

I tohua mai a Hemi ki te Poari i te marama o Pipiri, rua mano, tekau maa rua. He mema hoki ia ki runga i Te Arataura, waihoki, ko ia anoo raa te Tumu Whakarae o mua o Waikato Raupatu Lands Trust. Noo te marae o Te Kotahitanga a Hemi, he mema hoki ia o Te  Kauhanganui, te paaremata o Waikato-Tainui i toona tiimatanga mai, i te tau kotahi mano, e iwa rau, e iwa tekau maa iwa.

Tania Simpson

Noo te marama o Whiringa aa-rangi, i te tau rua mano, tekau maa rima ka tohua ai a Tania Simpson ki te Poari o TGH. Ko ngaa tuunga kaihautuu kua tuu kee i a ia, koia teena ki te Poari o Mighty River Power, (tekau maa toru ngaa tau, te roa), ki Aata Maatai, Maatai Whetuu me Manaaki Whenua. Noo te tau, rua mano, tekau maa whaa, ko ia teena, te wahine tuatahi kia tohua hei kaihautuu ki te Poari o Te Puutea Matua, aa, noo te tau rua mano maa waru tatuu iho ki teenei waa, he mema hoki ia o te Taraipiunara o Waitangi.

Mike Allen

Noo te tau rua mano maa iwa ka tohua ai a Mike hei kaihautuu noo waho kee, I kawea mai raa e ia ngoona puukenga puru puutea, whakahaere kakupapa i Aotearoa me Peretaania, kei reira ngeetehi tuunga kaihautuu e mau nei i a ia. Ko Mike te tumu whakarae o mua o Westpac Institutional Bank led Mergers and Acquisitions i Southpac, aa, me ngeetehi atu tuunga whai mana i piikaungia e ia.   

Matthew Cockram

I tohua raa a Matthew hei kaihautuu noo waho, i te tau rua mano, tekau maa tahi. Ko ia te Tumu Whakarae me te Kaiwhakahaere matua o Cooper and Company – He kamupene whenua/whare, puru rawa hoki i Taamaki-Makaurau. Ko ia hoki te Tiatangata o mua o te Pakihi Ture o Bell Gully, i a ia ka mahi i te waahanga ture moo ngaa tau e rua tekau.

Te huri o te waa o TGH

Back
  1. 1995
  2. 1996
  3. 1997
  4. 1999
  5. 2000
  6. 2001
  7. 2002
  8. 2003
  9. 2004
  10. 2006
  11. 2007
  12. 2008
  13. 2009
  14. 2010
  15. 2011
  16. 2012
  17. 2013
  18. 2014
  19. 2015
  20. 2016
Forward
  1. Ka puta te ture i whai niho ai te whakataunga Raupatu o Waikato-Tainui me te Karauna.
  2. I whakatuungia ko Tainui Corporation Ltd (TCL) me Tainui Development Ltd (TDL) manatoopuu. Ko TCL te kaitiaki matua o ngaa whenua i whakahokia ake ki Waikato-Tainui i raro i te whakataunga. Ko TDL te waahanga whakawhanake rawa, tiaki puru rawa hoki.
  3. Ka tiimata ngaa whakahokinga whenua a te Karauna i raro i te Ture, Waikato Raupatu Whakataunga Kereeme 1995.
  4. Ka whakatuungia a Tainui Group Holdings (TGH) hei kamupene pupuru rawa, me te aha, ka heke iho a TCL me TDL ki raro i a ia.
  5. Noo muri i toona kaha puaawai i te tiimatanga, kaatahi ka whakauungia e Waikato Raupatu Lands Trust ngoona rawa hei tohu i ngaa waariu maakete.
  6. Naa te taatari rautaki, ka wehewehengia ai ngaa mahi pakihi me ngaa mahi aa-iwi. Ka tiimata te Kaupapa Ngaatahi Callum Brae Tainui, ko tana hoko atu i teetehi waahanga whenua ki te Kaupapa Ngaatahi nei. Naa teenei Kaupapa Ngaatahi, ka puta ai te whenua waawaahi o Huntington me ngoona waahanga whenua e ono rau, e rima tekau maa rima i hokona atu i roto i ngaa tau tekau maa whaa ka pahemo nei.
  7. Ka whakahoungia a TGH kia noho ko ia te waahanga oohanga matua o te iwi, oti ake raa te tohu i toona roopuu whakahaere. Ko ngana rawa, kei te kotahi rau, e ono tekau maa ono miriona taara te waariu.
  8. Ka tohua a John Spencer hei Tiatangata o te Poari o TGH, aa, ko Steve Murry toona Tumu Whakarae. Ka tutuki te kaupapa whakawhanake i Te Base ki Te Rapa i roto i te Kooti Taiao.
  9. Ka whakawhiti te mana whakahaere matua o ngaa rawa pakihi katoa i Waikato Raupatu Lands Trust ki TGH. Haruru ana te whenua i te whakapuaretanga o ngaa toa kia tuwhera ki te iwi i Te Base, i te whakangaatahitanga me The Warehouse Group.
  10. Nuku atu i te 10 miriona taara te moni hua i whakawhiwhia ake ki te kaipupuruhea, heoi, ko te waariu o ngaa rawa katoa, kua nuku atu i toru rau miriona taara moo toona waa tuatahi teenaa. Ka tohua ko Mike Pohio te Tumu Whakarae.
  11. Kua whakatuungia te Hooteera Ibis Tainui i te pokapuu o te taaone, ka tiimatangia te whakatuunga o te Mitre 10 Mega i Te Base. Ka riro mai i a Waikato-Tainui Fisheries te waahanga tuatahi o te whakataunga rawa Ika Maaori, tekau maa tahi me te whaa miriona taara toona waariu katoa.
  12. Ka hokona taa Te Warehouse Group, taana rima tekau oorau o Te Base. Katoa atu ngaa rawa ka eke ki te waariu o te whaa rau, e iwa tekau maa ono miriona taara. Kua whakamaanuuhia te hootaka kukume tauira whai tohu. Teenei ka whakapuumautia te whakangaatahitanga i waenga i TGH, Accor me te Auckland International Airport ki te whakatuu i te Novatel Auckland Airport.
  13. Ka tiimatangia te hanganga o Te Awa i Te Base. I tutuki te wero a TGH i te Kaunihera o Kirikiriroa me tana mahere Variation 21 i anga nui ai ki te pokapuu o te taaone.
  14. Kua oti te hanganga o Te Awa i Te Base.
  15. Ka whakatuwherangia te hooteera, ko Novatel Auckland Airport Tainui.
  16. Ka tohua a Taa Henry van der Heyden hei Tiatangata o te Poari.
  17. Ka whakaarangia ake te Poari Motuhake hei taatari iho i ngaa whakawhanaketanga o Ruakura (ahu atu ki te Mahuru, rua mano, tekau maa whaa).
  18. Moo toona waa tuatahi, ka whakahipa ake te waariu o ngaa rawa a te iwi i te kotahi piriona taara. Ka hoko hea a TGH mai i Waikato Milking Systems, Go Bus me Genesis Energy. Tiimata raa te whakangaatahitanga Rotokauri, te kaupapa whakatuu kaainga, e whitu rau / e iwa rau.
  19. Ka riro i a Chris Joblin te tuunga o Mike Pohio hei Tumu Whakarae.
  20. Ngeetehi o ngaa whakaae whakahirahira kua tutuki moo te huinga takapuu nui o Ruakura.